Өвөрмонголын Үндэсний их сургуульд багш, оюутнууд зочиллоо
2011 оны 11-р сарын 12-ноос 20-ны өдөр хүртэл Сэтгүүл зүйн тэнхимийн эрхлэгч доктор С.Дэлгэрмаагаар ахлуулсан Сэтгүүл зүй, Түүх аялал жуучлал, МХУЗ, Англи хэлний орчуулагчийн ангийн оюутнууд болон ТАЖГХ-ний тэнхимийн багш П.Отгонтуул нар ӨҮИС-д зочилж, хоёр сургуулийн хамтын ажиллагааны гэрээний дагуу танилцах дадлага хийсэн байна.
Шагнал гардууллаа
2011 оны 10-р сарын 3-ны өдөр манай сургуульд олон жил үр бүтээлтэй ажиллаж байгаа МУСГЗ, Төрийн соёрхолт зохиолч, дэд профессор Д.Батбаяр, МУСГЗ зөвлөх багш Х.Цэвлээ, ахмад багш Г.Дамба, ахмад багш Л.Цэрэндолгор нар Монгол улсад боловcролын байгууллага үүсч хөгжсөний 90 жилийн ойн хүндэт медалиар шагнагдлаа.
Та нарын амьдралд аз жаргал, эрүүл энхийг хүсэн ерөөе!
Нээлттэй хичээл
Монгол улсын Засгийн газраас боловсролыг дэлхийн жишигт хүргэх зорилт тавин ажиллаж байгаа билээ. Манай Их Монгол дээд сургууль 8-р сарын 25-31-ний хооронд "Нээлттэй хичээлийн 7 хоног" зохион байгуулсан юм.
Энэ ажлын хүрээнд тус сургуулийн нэртэй эрдэмтэд, сэтгүүлч, зохиолч, доктор профессор багш нар мэргэжил боловсролоо хэрхэн зөв сонгох, сурах арга барилд суралцах, зан төлөвийн боловсрол, монгол хэл-утга зохиолын удиртгал, мэдээллийн технологи, англи хэл яагаад чухал болох, түүх-философи сэтгэлгээний талаар сонирхолтой лекц уншлаа. Шинээр элсэн суралцаж буй оюутнуудаас гадна сонирхсон бүх хүмүүс хамрагдсан билээ.
